打傷撻親畀狗咬 張智霖冇忽好肉

藝人張智霖、薛凱琪、王陽明與梁漢文等昨日到將軍澳邵氏影城，出席新劇《蝕日風暴》發布會。張智霖受訪時自言除了拍打戲整親外，戲外亦搞到自己「冇忽好肉」：「尋日阿仔生日，陪佢去室內場踩滑板，我都撻到攤攤腰，冇流血但瘀咗一大撻。（今次阿仔着齊保護裝備？）係！我試過後發現原來真係要，老婆（袁詠儀）真係講得啱！」他前晚還在微博甫出一張被愛狗咬傷的「家暴」照，大髀一大個牙印，認真陰功。
薛凱琪透露劇中與張智霖（左）及王陽明有三角關係，但親熱鏡頭欠奉。
薛凱琪透露劇中與張智霖（左）及王陽明有三角關係，但親熱鏡頭欠奉。

至於薛凱琪自言拍打戲搞到指骨凸出要睇骨醫：「要搵機器揼番入去！」提到王陽明與鍾欣潼（阿嬌）男友賴弘國撞樣，問到覺得誰人較靚仔時，王陽明即笑說：「當然是我帥呀！」至於梁漢文笑言不怕因劇中「畀女圍」而被老婆扭耳仔。

張智霖上載被狗咬的傷勢，大大個牙印。
  • 張智霖上載被狗咬的傷勢，大大個牙印。
梁靖琪有份參演新劇打埋一份。
  • 梁靖琪有份參演新劇打埋一份。