貝安琪升Cup復工堅持三點不露

貝安琪（Ankie）早前為第五屆珠寶小姐擔任客席導師，教授溝通技巧。她表示初入行時因不懂廣東話，面對傳媒不時講錯說話鬧出笑話。產後復工的她大晒豐滿上圍，表示已接了不少工作，更要到印度拍劇，問到工作有何轉變？她說：「做在職媽媽唔易，要識分配時間。（性感底線？）都係三點不露，角色要睇劇本。」談到9個月大的囝囝Sebastian，Ankie即笑逐顏開，不斷讚囝囝好可愛：「佢成日爬，爬得好快，又鍾意開門，我要喺後面跑嚟跑去執嘢，好得意，但一定會攰。佢開心，我都開心，因為生活有咗意義。」

未婚夫係怪獸家長

Ankie大爆未婚夫Simon Van Damme是怪獸家長，要求囝囝一星期上兩次Playgroup，她說：「老公好想佢返，我同囝囝一齊玩都好辛苦。（佢係怪獸家長？）係，我就唔係，我唔使佢上啲乜，佢鍾意先學。（囝囝識咩語言？）我同佢講德文同廣東話，我同爸爸講英文，佢都係聽，爸爸同佢講法文。」又指自己是嚴母，Simon則是溫柔爸爸。問到可會追多個女？她直言要等多一、兩年後，想抽多點時間陪囝囝。談到婚禮細節，Ankie表示將於明年舉行，等囝囝識行做花仔，而她與Simon現在已經以「老公」、「老婆」相稱。

文：名人組

服裝：La Perla

首飾：AQUEEN