甩拖野人風騷晒水着

藝人林珊珊女兒、DJ野人（李怡）與崔建邦相戀一年多，可惜二人早前在社交網站公布分手宣言，表示早已分手，當中不涉及第三者。而身兼瑜伽導師的野人，日前在社交網站騷出泳裝照，站在泳池中的野人笑容滿面，似乎已經走出分手陰霾，她更表示要直播做瑜伽：「一齊做吓瑜伽，拉吓筋好冇呀？你哋想了解啲咩？畀啲idea我吖！」一班網民紛紛大讚野人身材弗爆，更笑言野人要身穿泳裝教瑜伽。