大隻廣「硬」功冧海味 林家棟乞兒命帶挈做影帝
藝人林家棟雖然貴為金像獎影帝，但原來當年與周海媚合作《大鬧廣昌隆》，全因無綫編審將他的時辰八字拿去開盤看命格，看中他的「乞兒命」，否則也造就不了這個「乞兒他朝成影帝」的傳奇！
影帝林家棟與周海媚（海味）亮相無綫節目《及時雨信貸特約：最佳拍檔》，接受主持黎芷珊訪問，暢談兩人當年合作拍攝經典劇集《大鬧廣昌隆》的點滴。
飾演「大隻廣」的家棟爆自己多得「乞兒命」帶挈，他說：「我1987年讀訓練班，畢業後做咗好長時間跑龍套，當時好唔開心，每次演出都係得一句對白，覺得自己可有可無，直到拍《大鬧廣昌隆》，編審張華標話想搵新人演出，佢攞咗我時辰八字，開盤睇命格，話我係『乞兒命』，拍呢套劇對我同套劇都有幫助！」結果家棟因此劇一炮而紅，跳出跑龍套歲月！
同女神保持距離
海味則爆與家棟合作時，家棟「硬」晒！她說：「《大》劇係我哋真正嘅第一次合作，之前對佢印象唔深，造型嗰陣第一次正式見面，覺得佢為人好搞笑，有場跳舞戲，佢好緊張，僵硬晒！」家棟解釋：「同海味合作，我戰戰兢兢，因為佢喺我心目中係女神級！慶幸佢演女鬼，我演人，拍攝嗰陣兩個人咪保持距離囉！呢個安排設定幫到我！」
文：影視組