汪明荃閃爆賀50周年 香香李亞男人妻凸襲 祖兒美腿擋「峰」

汪明荃昨晚以主人家身份，出席《海馬牌床褥特約：汪明荃50周年世紀盛宴》，邀來120位圈中好友包括容祖兒及李克勤等現身，齊齊分享喜悅。一眾後輩包括李亞男、張秀文及岑麗香「晒線」示人，祖兒則「晒腿」贈興。席間，汪明荃獻唱兩首本名曲娛賓，祖兒及克勤則翻唱她的金曲。

盛裝打扮的汪明荃在無綫主席陳國強及高層樂易玲陪同下見記者，在六福珠寶贊助的鑽石首飾配襯下貴氣盡現。提到全場會換裝四次，她笑說：「未知呀！啲衫有啲自己買、有啲公司安排嘅，睇吓點先。（賓客自己請？）係呀！不過有啲嚟唔到。（鄭少秋同欣宜呢？）秋官喺內地，而做完手術嘅欣宜打過畀我，祝佢早日康復。（羅家英好早到？）幫我招呼賓客嘛！」

李亞男有老公在場都照晒心口。	祖兒穿高衩長裙晒長腿，一個字，索！	龍劍笙（圖）與楊千嬅亦有到賀，星光熠熠。

好姊妹分享「性」經

岑麗香披上薄紗但難掩3吋事業線，問到是否改行性感路線，她笑說：「咁着好靚又啱場合。（老公有過目？）佢都話靚！性感得嚟健康。」談到好友王君馨被拍得購入性感內衣，似為「造人」作準備，香香說：「睡衣唔一定係生BB嘅。（同佢講多咗呢方面話題？）結完婚好自然會講。（性事？）其實基督徒好多話題，都有講呢啲。我就放（性感內衣）喺屋企，人妻係要有準備。」

楊千嬅	張秀文身穿紅色晚裝兼晒事業線，夠晒火辣。

王君馨到場時自言會表演阿根廷Tango，談到買性感內衣催情？她說：「估唔到第一次買呢啲都畀人影到！之前唔敢買，做咗人妻都好正常。（着咗未？）未！呢排忙拍劇嘛！」

文：影視組