麥浚龍為謝安琪復出揀歌
歌手麥浚龍（Juno）、鄧紫棋（G.E.M.）、周柏豪等，昨晚出席品牌活動。Juno公司簽了歌手謝安琪（Kay），但有傳Kay老公張繼聰唔想她復出，Juno對此否認並說：「大家對工作有傾有講。」問到Kay的工作安排，Juno表示進展順利，一切計劃如期。問到幾時正式復出？他說：「開始揀歌，好期待。（同上次一樣會合唱？）係另一種合作，上次透過一首歌合作，大家有咗個信任同默契，係一個緣分，佢已經進入工作模式。」Juno又指執導的電影已完成三分二，預計12月拍完。
G.E.M.擱置上太空
而剛拍畢《十二道鋒味》的G.E.M.，在節目中透露煮番茄炒蛋時令警鐘大響，她解釋：「霆鋒解開咗個疑團，因為我用椰子油去煮，椰子油個沸點比較低，加上我冇開抽氣扇好大煙，搞到響警鐘。」她強調雖然煮食過程很地獄，但味道很好，獲霆鋒讚賞。問到有否為造型師男友Mark下廚，她說：「但我身邊嘅人都唔鍾意我煮嘅嘢，因為冇鹽好淡味。（男友煮畀你食？）都有。」此外，提到G.E.M.上太空的計劃無限期擱置，她坦承：「我覺得呢樣嘢係需要好多人嘅努力去做，過程係有啲阻滯，但我對未來採取希望態度。」
本月12日33歲生日的周柏豪，表示未到正日已吃了八個生日蛋糕：「歌迷好有心，佢哋知我唔鍾意禮物，所以就將啲錢捐去慈善機構，再將收據摺成啲手作仔送畀我，我覺得好有意義。」
