任達華24小時唔夠用

「港產陀飛輪」萬希泉創辦人沈慧林（William）贊助影帝任達華有份拍攝的賀歲片，片中任達華戴上其腕錶，明顯愛不釋手。他知道William收藏了不少音樂盒，日前專程到其公司參觀，見到William的收藏品及製錶工場後，他大讚對方有香港精神，積極有創意，明言支持年輕人創作個人品牌。
任達華（左）為沈慧林母子送上攝影集。
任達華（左）為沈慧林母子送上攝影集。

他送上個人攝影集作為禮物，並說：「大家都知IQ、EQ，但缺乏咗LQ，即係愛，所以我本書好多風景相，想帶出要愛身邊人、身邊社區。本書影咗好多公屋、居屋，想大家多啲留意身邊嘅事物，其實好美好。」問到最近忙甚麼？他說：「忙拍戲，忙畫畫，希望本書入面加入啲新畫，重新整理，同埋每日都睇兩套電影，進修自己，所以廿四小時對我嚟講係唔夠，仲要陪女，要兼顧到工作同家庭。」

任達華（左三）參觀沈慧林（左一）的製錶工場，與工作人員留影。
  • 任達華（左三）參觀沈慧林（左一）的製錶工場，與工作人員留影。