倪晨曦談心怕面懵
藝人倪晨曦（Elva）早前為adidas拍攝冬季運動服裝廣告，親身示範及分享試穿感受。她表示最近一直Keep住做運動：「一星期做三至四次，但已經少咗，以前一星期七日都會做，但呢排忙就覺得自己懶咗。（男友有冇陪你？）有，但少啲，佢踢波多，我就盡量捉佢做瑜伽。（佢冇要求一齊做？）有話一齊踩單車，但想我睇佢踢波，不過一直未有時間。」
此外，Elva近日在社交網開設了一個與網民互動的留言信箱，想定期同大家傾偈，她說：「有咩想問都可以問，我就揀問題答。今次係第一次整，我會無限答，好多人都問我感情問題。（驚畀人問尷尬嘢？）我都預咗會，所以到時會篩選。（會照答？）我諗答到就答，答唔到就放棄。」