陸浩明夠潮埋90後堆
藝人陸浩明（6號）、大學生KOL李寶珊（大孖）、李寶君（細孖）與杜穎珊等合作節目《#後生仔傾吓偈》，身為70後的6號直言想不到能順利「埋堆」。大孖笑言：「當初都以為6號只係大少少，佢乜都傾得埋，連我哋講緊『炒散』之類嘅潮語都知。」
提到6號有位溫柔內向的女友陳詩欣，細孖說：「我一直以為佢咁外向，女朋友都係一個勁外向嘅人。」6號即為女友護航：「當然係溫柔貼心，同靚係最緊要啦。我咁外向，夾着個外向先大件事。」杜穎珊則踢爆6號有收藏眼鏡的習慣，獲6號大讚有觀察力：「你啱！我大概有三、四十副眼鏡啦。」對於節目中的兩位港姐冠軍主持麥明詩及馮盈盈經常語出驚人，三位「後生女」大讚二人已超越「美貌與智慧並重」。
