陳詩欣炮製糖醋排骨箍住未來老公
歌手陳詩欣獲東網巨星節目《星級煮意》邀請，示範如何煮出惹味的「糖醋排骨」。她自言懂下廚，將來揀老公都有籌碼。
陳詩欣（Eunice）表示「糖醋排骨」是最近所學，食譜來自豬肉檔姐姐：「之前同媽咪去街市，問豬肉檔姐姐除咗豉汁蒸排骨，仲有咩可以整？姐姐畀咗糖醋排骨食譜我，我同媽咪都覺得好好食，今次趁機公諸同好！」由於父親是中菜大廚，Eunice對烹飪感興趣：「爹哋放假會煮飯，好似酒樓大廚咁拎大鑊剷，煮鮑魚同芝士龍蝦伊麵。」反而母親不擅於下廚，出現多次「煮唔熟」的情況，她說：「我細個係嫲嫲湊，後來正式同父母住，記得媽咪第一餐煮嘅雞翼同蒸魚都唔熟！」
拿手蒸魚煲湯
自覺有烹飪天分的Eunice，不時上網找食譜自己煮，今年更學會整蘿蔔糕：「爹哋好支持，但媽咪話使乜自己整，搞到廚房污糟晒！最後成功整咗兩底，仲好好味，覺得自己好叻！」她自言是傳統婦女，最拿手蒸魚及煲湯，認為作為女生「入得廚房、出得廳堂」十分重要：「我識煮嘢食，將來揀老公都有籌碼！我係傳統女仔，將來結婚後會照顧家人同打理家頭細務。」又笑言懂烹飪不會嫁得差。
張本立：甜酸鹹要平衡
新派廚神張本立建議Eunice注意時間控制：「糖醋排骨嘅口感好重要，用一個鐘係啱，但45分鐘都OK。我覺得要畀番多啲汁，過咗20分鐘，不妨試一試味，因為糖醋排骨要有甜、酸同鹹味，平衡點好重要。」
東網巨星節目相當多元化，有《星級煮意》、《閨蜜睡房》、《星魅博》、《韓薦》、《娛樂onShow》及《真。藝人Show》等，娛樂與資訊並重，大家可透過東網App、東網網頁隨時隨地收看及重溫。
文：專案組