陳凱琳有未婚夫嘉穎：唔係我！

藝人鄭嘉穎早前透露會放假去旅行休息，昨日出席活動時，他說：「忙完台慶先。（去邊度旅行？）唔話你知，放吓假。」提到網上流出一段女友陳凱琳的短片，片中她自爆有未婚夫，鄭嘉穎驚訝地說：「係咪我？佢講吓笑啫，希望佢係講笑，因為唔係我！（你哋訂咗婚？）覺得可以Skip咗呢個Step，啲人訂婚，係因為某啲原因唔可以結先至訂婚，唔需要，暫時未。（女友恨嫁？）唔係，佢講笑啫！（聽到佢講都開心？）都開 心，要搞清楚係咪我先。（如果聽到佢叫老公更開心？）我哋關係好穩定，呢個只係一個稱呼，結婚係一個儀式，緊要嘅唔係表面，最重要係兩個人嘅關係，結咗婚都可以離婚。（你哋超越婚書嘅關係？）係關係好好。」