《牡丹亭驚夢》今開售 戲迷排通宵撲飛感動阿刨
粵劇名伶龍劍笙（阿刨）於年底至明年初在港演出粵劇戲寶《牡丹亭驚夢》，分別在尖沙咀文化中心和理工大學賽馬會綜藝館各演十場，令一眾戲迷瘋狂。自日前眾大老倌在記者會亮相後，全港戲迷對他們的演出更加引頸期盼！有粉絲昨晚已經擔定櫈仔在紅館、牛池灣及屯門售票處排隊，準備通宵輪候今早十時開始公開發售的門票，更有餓戲已久的「刨迷」全家總動員接力排隊，不惜帶定被鋪在開售點輪流守候五日，認真犀利！
丘亞葵嘆無法加場
對此，新娛國際負責人丘亞葵（Vigo）直言感動：「我Send咗張排隊相畀阿刨，佢都話好感動，估唔到咁多年嚟觀眾都仲記得佢。粵劇嚟講呢個情況真係好少見，以前搞演唱會就試過咁，所以阿刨嘅魅力真係冇得頂！（勁過預期好多？）一開始真係冇諗過反應會咁大，一來可能係因為阿刨兩年幾冇返香港演出，二來係阿刨做嘅《牡丹亭驚夢》冇任何影音紀錄留存，唔入場就冇得睇。」問會否趁勢加場，Vigo指場地檔期所限沒法再加：「得呢廿場！（下年再搞？）一直都想繼續搞，但最緊要係阿刨嘅決定。」
文：影視組
