曾國祥生日做阿四

藝人曾志偉的兒子曾國祥與女友王敏奕拍拖三年多，一直愛得甜蜜。昨日是曾國祥38歲生日，身為女友的王敏奕當然要陪男友，但兩人不是出外吃飯慶祝，而是買餸返屋企玩煮飯仔。
曾國祥和王敏奕買餸後便趕回家玩煮飯仔。
曾國祥和王敏奕買餸後便趕回家玩煮飯仔。

昨午約6時半，曾國祥與王敏奕拍拖現身中環超市，兩人推住購物車四處穿梭，睇完肉類及蔬果後，再往揀選煲湯的材料。買齊餸後，曾國祥再親自揀選紅酒，二人才推住購物車往排隊付款。壽星仔更做埋阿四負責拎住大袋戰利品步出，甫見記者拍照，二人即笑笑口打招呼。

曾國祥與王敏奕揀選食材時有商有量。
  • 曾國祥與王敏奕揀選食材時有商有量。