溫碧霞自認任性被摑即離家出走

「美魔女」溫碧霞（Irene）成為東網巨星節目「海馬牌床褥特約」《閨蜜睡房》最新一集的嘉賓，與主持李惠儀（Kiwi）分享她的愛情世界及家庭樂。Irene認為愛情滋潤對男女都相當重要：「如果冇愛情，生活好似少咗啲嘢，會感到Lonely（寂寞）。」她笑言身邊有兩個情人，一個是老公，一個是囝囝：「囝囝好Sweet，成日氹我開心，佢會話我係佢個Princess（公主）！」

從來唔郁手打仔

擁有一把長曲髮的Irene，舉手投足都充滿女人味，但原來她兒時很「男仔頭」：「我好鍾意玩男仔嘢，玩槍、打波，到大個咗廿一歲先開始扮靚。」Irene自認非常任性，更大爆當年曾因被媽咪摑了一巴而離家出走：「嗰陣我想去朋友度玩，住一、兩日，媽咪好嬲，佢扯住我好大力冚我一把，真係好痛！因為由細到大，爹哋媽咪都冇打過我，就係嗰巴之後我就走咗去。」她坦言小朋友自尊心很重，故從來不會出手打囝囝，而童年的經歷亦影響她如何對待孩子：「我細個爹哋媽咪好少同我傾偈，但我會同囝囝傾好多偈，因為我知道小朋友好需要父母嘅愛同溝通。」

爆老公浪漫安排

另外，Irene於節目中大爆老公何祖光給她最浪漫的安排，想知就要留意東網巨星節目《閨蜜睡房》，由她親口細訴與老公的浪漫史！溫碧霞的訪問於本周五起一連三日播放，大家可透過東網App和東網網頁收看及重溫。

文：音樂組