出戰潛水展為港爭光 美人魚鄧詠雪水中起舞
藝人鄧詠雪（雪子）近月愛上美人魚運動，早前代表香港到深圳出戰潛水展的美人魚比賽，面對來自各地的專業泳手，雪子出動各款道具，在水中派珍珠及跳絲帶舞，營造童話感覺，終靠創意勇奪季軍為港爭光！
鄧詠雪今年書展推出以美人魚為題的寫真遊記，戴上魚尾周遊列國，拍下不少如童話般的靚相，「扮魚扮上癮」的雪子早前參與深圳大型潛水展的美人魚比賽，並躋身24強最後勇奪季軍。
面對各國職業美人魚，雪子學習美人魚泳式只有幾個月時間，惟有賽前加操，最終愈戰愈勇奪得季軍！雪子當日可謂過五關斬六將，評判包括敖嘉年、蕊蕊、滕麗名、余曉彤、外地攝影師及美人魚表演者。一眾參賽者要打扮成美人魚在玻璃水池中展示妙曼泳姿，同時跟圍觀群眾互動，另外亦要上台表達對環境保育的意見。
花心思童話活現
雪子在水中成功做出打翻及轉體等動作，而最加分的可說是其創意。她帶了不少道具落水，營造童話世界感覺，不只是齋游水，難怪最終脫穎而出有獎攞，她說：「我造型上花咗好多心思，仲帶埋皇冠、珍珠、貝殼落水。我一打開個貝殼，啲珍珠就浮出嚟，仲有我又喺水中跳絲帶舞，觀眾都睇到嘩嘩聲，話呢啲Idea好好！」眾評判均指雪子奪得季軍外，應該加封一個最有創意名銜！
文：影視組