方皓玟忙到嘔呻老公掛住旅行

歌手方皓玟（Charmaine）昨日出席「柯尼卡美能達綠色音樂會暨VR單車電玩賽」活動，她表示開始為明年大碟做準備：「每首歌製作都花幾個月時間，連休息時間都冇。」問到其日籍老公可有心痛？她笑說：「係呀，佢心痛到自己同啲朋友去咗泰國旅行呀，睇唔見咪唔心痛囉。（男人去泰國玩可放心？）會有啲乜嘢吖，都係食吓嘢，按摩吓啫。」她指跟丈夫以朋友方式相處，不會管束對方。