側田獲男迷下跪求婚
歌手側田（Justin）昨日為12月的紅館騷舉行簽唱會，期間獲三名Fans示愛！首位女歌迷雖被側田發現串錯他的英文名成「Justine」，但唱情歌冧側田時愈行愈埋，還將頭挨在偶像膊頭；另一女歌迷送花畀側田並說：「你話音樂係你嘅Drug，其實你都係我嘅Drug！」最後一位男歌迷更下跪向側田求婚：「你願唔願意嫁畀我？」側田亦搞笑答道：「我願意！」
事後，側田表示男女歌迷都很熱情：「可能我啲歌唱出佢哋嘅心聲啦！（騷上預有歌迷在台下向另一半求婚？）歡迎嘅！但畀我就唔會，求婚呢樣嘢都係想Private啲，因為成日睇啲求婚片，喺成萬人面前被Say No，我唔得囉！」
