陳凱琳刀仔鋸大樹增高5吋半入馬場

陳凱琳（Grace）昨日現身沙田馬場舉行的《2017莎莎婦女銀袋日》，並聯同名模姚書軼、趙嘉懿及伍靜麗等行騷。Grace透露首次為馬會行騷，自言經驗不多，加上同台全是Top Model，她無奈地說：「如果我生高啲就好，我已經搵咗全屋最高嘅高踭鞋着，都有5吋半高。」她表示平日甚少入馬場，故今次難得來到也會落注，她說：「唔係好識，買10蚊玩吓，我頭先聽到有人用10蚊贏咗9千蚊。（有冇聽到啲內幕貼士？）冇，因為我頭先太專心整個頭飾。（男友鄭嘉穎賭唔賭錢？）佢唔賭。（會唔會唔畀你賭？）咁又唔會，有時我生日話買六合彩，佢都話買啦，生日有運氣。（有冇中過？）我冇乜賭錢運，

生日買7個號碼，一個都冇中，我都係要努力工作。」

細細粒啱策騎

Grace又表示拍過兩部古裝劇需要策騎，雖然未有正式學過，但不是太驚，更笑說：「好多人都話我身形又輕又細粒好啱學，原來細粒都係優點。」

同場還有在新版《射鵰英雄傳》中飾演穆念慈的內地女星孟子義，對於同劇的「郭靖」楊旭文捲入女星任嬌的墮樓案，她避談事件，只表示沒聯絡。

文：名人組