成龍學爸爸化身慈祥爺爺

成龍飾演戲中靈魂人物，一身爺爺造型更是參照龍爸爸生前的打扮。

改編自著名作家東野圭吾同名小說的英皇電影《解憂雜貨店》，除了有上位女星迪麗熱巴、曾奪得金馬獎最佳新演員的李鴻其、秦昊、董子健等演出外，還邀得國際影星成龍擔當貫穿整個故事的靈魂人物—解憂爺爺，飾演雜貨店老闆的他，以自己經驗來治療需要幫助的人。電影劇照近日曝光，有成龍頭戴鴨舌帽兼打扮樸素，一頭白髮配上慈祥模樣站於雜貨店門口，以及在店內溫柔地撫摸着小貓等。

唔抗拒演老人家

以往均以硬橋硬馬於大銀幕出現的成龍，今次卻搖身一變演慈祥老爺爺，成龍表示因一直碰不上好劇本，更說：「我從來唔抗拒演老人家，好似《功夫之王》、《功夫夢》、《英倫對決》都係演老人家，作為演員，我願意去嘗試。」

迪麗熱巴有份演出《解憂雜貨店》。

成龍溫柔摸小貓，一臉慈祥。

為了突出老爺爺角色，美指及導演亦做足功課，特別參照成龍已故父親陳志平（龍爸爸）照片來打造，上至賊仔帽、一頭曲白髮、眼鏡，下至服飾等也與龍爸爸無異，再加上成龍一舉手一投足也跟足父親，就連成龍也不禁說：「哈哈！化完妝，都真係覺得我幾似爸爸，不過呢一身裝扮，我就從來冇畀過意見。（有冇睇過呢個原著小說？）我太忙啦！真係冇睇過，都係聽監製話畀我知，我信佢嘅判斷，所以聽完個故事就鍾意咗戲中嘅爺爺，不過我實際年齡就冇咁大。」

文：影視組