龍劍笙遵師傅教誨演戲寶要自然

粵劇名伶龍劍笙自2015年底、2016年初在港演出合共16場的《紫釵記》後，返回溫哥華生活，不少劇迷卻大嘆：「未夠喉！」朝思暮想渴望阿刨再度返港演出粵劇戲寶！阿刨終於抵擋不住劇迷的熱烈渴求，決定年底在港再踏台板，演出粵劇戲寶《牡丹亭驚夢》，令一眾劇迷得償所願。阿刨昨日與花旦鄭雅琪、李沛妍、關凱珊、梁煒康及新娛國際負責人丘亞葵（Vigo），在金鐘出席記者會，現場有接近半百名粉絲到場支持阿刨再次在港獻藝！

讚花旦聰明用功

記者會上，阿刨在一幅寫有「牡丹亭驚夢」的書法作品上簽名，又接受粉絲獻花，賀她生日快樂及演出成功，她說：「多謝粉絲們長情，我嘅生日願望係身體健康，世界和平，大家開心，演出成功！（今次演出會加入新元素？）我一演師傅嘅戲，就唔諗其他，師傅點教我，我就循住風格去做，希望做得好。師傅好多嘢我都好難忘，師傅講過演出自然就得，要熟劇本，人物性格係點，同花旦係點交流，唔需要額外加其他，自然去做！不過我自問係望塵莫及！（同李沛妍及鄭雅琪合作純熟？）我哋係第三度合作，佢哋好聰明用功，進步好多！」

阿刨先揮筆簽名，再與丘亞葵（左一）及四位演員合照留影。	放大圖片	眾劇迷排隊獻花，預祝阿刨演出成功。

阿刨雖然身經百戰，但亦自言緊張：「緊張嘅心情，我由出道就有，今次亦好難話冇嘅，但會盡力！我好鍾意由師傅演出嘅《牡丹亭驚夢》，任姐（任劍輝）、仙姐（白雪仙）交流好好，佢兩個係神級，我梗係去唔到佢哋嘅境界。我會排練多啲，我同年輕演員一齊做戲，感覺自己都年輕咗！」

難得見面，藝人黎芷珊見到刨姐即舉機集郵。	大批劇迷上台，為即將公演的《牡丹亭驚夢》捧場造勢。	以往開鑼期間照顧阿刨飲食的楊貫一，亦有到場打氣。

丘亞葵望再邀演出

至於Vigo提到與阿刨再度合作，他憶起舊事：「1983年，當時阿刨已係大老倌，而我只係無名小子，難得上天畀機會我，合作咗《遊園驚夢》，轉眼間，今次合作《牡丹亭驚夢》全劇，我好開心！（會多啲力邀阿刨返港演出？）當然，呢個係我好想做嘅事情！」

由新娛國際綜藝製作、粵劇名伶龍劍笙主演的「龍劍笙：《牡丹亭驚夢》」，將於2017年12月29日至2018年1月7日，在文化中心演出10場，以及2018年1月11至21日（1月16日休息），在理工大學賽馬會綜藝館演出10場。

文：影視組