千嬅一心四用開騷唱到亂晒龍
天后楊千嬅同時籌備兩個不同的演唱會，自爆試過撈亂歌唱，記歌記到亂晒龍！她笑言之前為組合C AllStar演唱會擔任嘉賓時唱錯歌曲版本，唱唱吓突然失神，幸好他們醒目接唱！
楊千嬅前晚為周二舉行的拉闊音樂會綵排，預告音樂會以音樂劇包裝，會把她20多年來的歌編排成故事及對白，她亦是其中一個演員，同台還有5位後輩歌手，當中包括陳柏宇。她表示音樂劇有不同單元故事，如愛情、職場女性辛酸及男人孤單等。問到與陳柏宇的故事？她說：「嗰個係講夢入面嘅事，佢同另一位演員飾演落難王子公主，我就唱個故事出嚟。」
提到今次與後輩歌手合作，千嬅大讚好玩及開心，因為有時他們看到的角度有所不同，並自嘲有些舊歌快要變成古董：「有隻歌佢哋問我係幾時，我唔好意思講其實已經17年前。」
C AllStar醒目接唱
千嬅坦言想盡快開騷，因為除了忙於綵排這個音樂會外，同時亦要預備12月舉行的紅館演唱會、做家庭主婦及錄唱片，忙得不可開交。提到同時籌備兩個演出，可曾撈亂歌來唱？她即自爆早前為C AllStar演唱會做嘉賓時的烏龍事：「唱唱吓我突然飄走咗，因為我記緊呢個Show嘅《最後的歌》，我望住佢哋仲諗『做乜甩嘅』，但聽聽吓唔對路，佢哋好勁，幫我唱埋！」提到她曾表示可能明年退休，她笑說：「其實退休係一種狀態嚟(o架)嘛，我未試過，同埋好多人退咗休都搵番工，呢啲係好Casual嘅事，唔嚴重，攰攰哋就想。」
文：音樂組
攝：劉斌