拍檔「遞咪」大整蠱 馬國明無力接招天然呆甩嘴
藝人馬國明演出的台慶劇正在熱播，昨日眾演員於街頭宣傳，歌手胡鴻鈞獻唱劇集歌曲時突然「遞咪」給馬國明，他因未能接唱而再一次天然呆，場面搞笑。他又自稱平日型到爆，故今次演草根角色大呼困難！
無綫小生馬國明與台慶劇《降魔的》演員黃智雯、劉佩玥（Moon）、謝雪心、胡鴻鈞及林凱恩等昨日出席宣傳活動，期間胡鴻鈞獻唱時，一度「遞咪」給馬國明，但他因不熟歌詞而表現天然呆，場面搞笑。對於劇集口碑好，有網民推舉他做視帝，氹得馬國明高興不已，問到角色是否做回自己所以容易拿捏？馬國明即搞笑說：「唔係啦！我平時好有型，個角色草根啲，所以都難演o架！」
同場的黃智雯一身魔女造型打扮，大晒美腿，她指戲服要配上一對8吋高踭鞋，令她想起與馬國明拍接吻戲時，對方笑指Kiss的高度剛剛好。
說到馬國明於劇中掂劉佩玥胸部，又與黃智雯拍咀戲，認真艷福無邊，他卻不認同：「我要投訴添！黃子恆先係，所有激情戲喺佢度，我只係淺嘗咋！不過NG咗五次。」
黃智雯咀到跌落地
黃智雯即表示與黃子恆的咀戲沒有借位，更咀到跌落地，幸一Take過完成。馬國明被問到拍咀戲是否抱住不蝕底的心態？他笑說：「滿足觀眾啫！（緋聞女友黃心穎有冇唔開心？）唔會，拍戲啫！佢呢排都好忙，好似睇咗半集，但都話好睇。」
而劉佩玥自爆稍後有一場偷吻馬國明的戲播出，她說：「場戲加咗特效，講個靈魂去咗另一角度，我哋就好似白雪公主錫王子咁。（會唔會係王子錫公主先啱？）係喎！總之我係要畀啲力馬國明咁囉！」
文：影視組