少男「失戀」情緒低落 袁詠儀教魔童習慣分手

袁詠儀（靚靚）昨日與郭羨妮及周汶錡（Kathy）出席活動，靚靚在拍照期間模仿模特兒擺甫士，她笑言：「成日畀人話唔識擺甫，見Kathy喺度咪學吓。」靚靚更直認兒子張慕童比她更Chok，又模仿囝囝的電眼。下周日（12日）便是魔童的11歲生日，靚靚表示他今年選擇低調，會接送他幾個男仔朋友一起吃飯和到滑板公園玩當作生日禮物。

要灑脫切勿拖拉

靚靚直言沒有刻意探討魔童與女同學有否緊密聯絡，但大爆他近日因有女同學要回美國而感到有點情緒低落：「佢唔係講笑嗰種Sad，講咗幾日，對個女仔有好感先會咁。」她乘機開導魔童，着他要開始習慣男女之間的離離合合，因為有女仔可能會突然說分手：「我同魔童講，為咗令佢早啲習慣，依家開始只要佢令到媽咪唔開心，我就會同佢講分手。跟住佢就問我：『咁我應該點？』我就話：『如果你好鍾意一個人，無論佢做錯乜都要講Sorry，如果你唔鍾意，就要好快答好啦，唔好再拖拉！』唔鍾意就快啲同人講，我好怕拖時間，要灑脫啲。」靚靚表示魔童似明非明，跟她練習講「分手」時更狂笑：「佢話唔知點應我，但都係答我Sorry。」

魔童因女同學情緒低落，張智霖出咩招教仔呢？	郭羨妮想追多個仔，令家庭更美滿。	郭羨妮（左起）、袁詠儀及周汶錡可交流仔女經。

郭羨妮追仔隨緣

至於郭羨妮直言希望追多個仔：「其實之前兩公婆都好想，但時間夾唔到又太過在意，依家隨緣唔去諗住。」湊女生活單調，她希望可以偶爾演出，取個平衡。

文：名人組