朱晨麗晒事業線餵何廣沛好熟手
無綫花旦朱晨麗（朱朱）昨日以Tube dress性感造型，與緋聞男友何廣沛、劉穎鏇（Tiffany）和余德丞現身馬鞍山出席活動，朱朱與廣沛首次以螢幕情侶檔出騷，她即場餵廣沛食蛋糕，Sweet到爆！事後朱朱被問到餵蛋糕時好熟手，她笑言：「我有練開，平時都有餵媽咪食嘢。」
講到兩人早前被影到拍拖食飯，廣沛指是同事食飯，不怕再被影到，朱朱更建議可以約打羽毛球：「可以約埋洪永城、蔡思貝、黃子恆佢哋！（一Pair Pair咁打？）唔係，係組個《味想天開》羽毛球隊！（約游水呢？）我唔識游呀！」問是否擔心公開戀情會影響工作？廣沛說：「公司又冇咁規定嘅！（拍拖會公開？）依家係開放社會。」朱朱則表示順其自然，問到會否公開關係？她即「天然呆」說：「我Jet Lag呀！（依家關係？）係朋友！」
朱朱明年有四部劇集擔正做「劇后」，在《特技人》中更晒勁爆身材，她笑說：「唔止，我功夫都勁，劇入面好多人都身材好勁，大家都操得好Fit。」廣沛聞言即謂錯過了朱朱的性感演出，笑言會上網追睇。
