童年女生男相邵珮詩被問：點解着裙返學？

前港姐冠軍邵珮詩形象高貴大方，原來童年十分「男仔頭」，讀幼稚園時更被其他家長誤以為是男孩。她說：「嗰日着裙返學，點知有個家長問我媽咪，點解你個仔着裙返學嘅？」她又自爆學琴時遭老師「放棄」：「我試過學彈琴，學過三堂之後，有日上完堂老師就同我媽咪爸爸講，話我未Ready兼左右不分，叫我郁左但我又郁咗右，叫我媽咪幫我報其他興趣班。」