何雁詩出心收埋鄭俊弘畀翟威廉出賣
藝人鄭俊弘自今年4月認戀何雁詩後，因受外界壓力故保持低調。前日生日的Stephanie獲圈中好友為她開P慶祝，她上載的大合照中刻意以心心遮住身後的Fred，但翟威廉卻不小心上載原圖令Fred曝光！
前晚25歲生日的何雁詩（Stephanie）在社交網上載一張生日會大合照，但刻意用心心圖案遮住身後人的容貌，並以英文留言：「如果今年要記住的，就是我學會了去愛，愛別人、愛自己。謝謝我的朋友，我真是個幸運的女生，真的很感恩！」但身後「神秘人」迅即被曝光，全因好友翟威廉「大頭蝦」將原相放上網，揭曉心心圖案下的原來是鄭俊弘（Fred）。搞出大頭佛的翟威廉雖已立即刪圖，但已於事無補。
拍拖旅行預祝
Stephanie接受電話訪問時，笑言與翟威廉溝通上有誤會：「心心唔襯佢（Fred）咩？其實唔想高調，唔想喺我個社交平台有合照，我覺得知道還知道，見到還見到，係兩件事。」昨晚她出席無綫節目巡禮時，表示男友有叫她自己揀生日禮物，並自爆兩人早前已到了熱帶國家旅行預祝生日，並笑指翟威廉是純品的「豬豬」。同場的Fred則表示事件中沒有嬲任何人：「可能佢覺得我唔好睇咪遮住囉！佢費事喺社交網咁高調，唔係公司要求。」至於翟威廉回覆本報時自認烏龍：「今次誤會真係百年難得一見，其實我甫相前有問過Stephanie，佢話我可以『Self block』，意思係叫我用自己嘅方式遮住Fred再甫合照，但我誤會咗，以為佢叫我遮住自己，所以唔小心上載咗原相。」
文：專案組