余文樂笑張晉：日日睇住佢流膿！
余文樂與張晉在新片《狂獸》中有多場打鬥戲，二人前晚出席首映禮同樣表示一場水中打鬥戲拍得最辛苦，令肺部不舒服。張晉更謂要負傷拍攝，樂仔笑說：「日日睇住佢流膿。」
余文樂、張晉、蘇麗珊、林家棟及曾國祥等前晚在金鐘出席電影《狂獸》首映禮，樂仔及張晉在台上分享拍攝感受時，均表示拍得辛苦。二人受訪時，直言於戲中一場水中打鬥戲打得最辛苦，樂仔說：「唔係潛一次半次，每日起碼潛十個鐘，同埋吸嗰啲氧氣對身體唔好，喉嚨一定會好乾，個肺唔舒服。」他謂雖然沒有後遺症 ，但體力消耗很大。
蘇麗珊匿喺角落
張晉則指拍攝一場於十號風球下在船上打鬥戲亦十分辛苦，樂仔笑說：「打完都唔知去咗邊。（有冇嘔？）佢唔係令你暈，係令你冇方向感，某程度難過喺水底打。」問到二人可有受傷？張晉表示一開拍便受傷，加上日日落水搞到傷口含膿，幸好傷患不會影響行動，身旁的樂仔笑說：「日日收工睇住佢流膿。」
至於蘇麗珊表示今次是她拍攝的第二部電影，全部都是文戲，於戲中飾演未婚媽媽，心理戲份會多些，又謂張晉飾演其養父，故非常緊張，拍攝前匿在角落很久：「導演過嚟同我傾咗好耐。（同你講劇情定同你做心理輔導？）兩樣都有，佢叫我唔使咁緊張，但我驚做唔到我要做嘅戲。」又指張晉給她有種父親的感覺，令她放心去演。
另外，樂仔巧遇曾經在電影合作過的劉偉強導演和台灣天王周杰倫，他昨日在社交網上載一張三人合照並表示「那麼巧」，笑言是否要為電影拍攝續集。
文：影視組