關之琳撐場為張之珏「驗傷」
由謝君豪及李司棋等主演的舞台劇《小城風光》，一連13場昨晚假新光戲院揭開序幕，楊受成夫婦、王祖藍夫婦及鄭丹瑞等送上花牌致意。
李司棋唔驚鍾景輝
身為藝術總顧問的鍾景輝（King Sir）亦現身演出前的拜神儀式，李司棋大讚他為人和善，即使對方首演來「監場」，她亦不會害怕及緊張，而謝君豪則說：「King Sir之前冇睇過我哋綵排，今日嚟畀個意外驚喜大家囉。（今次有日場，擔心體力透支？）咁真係要勁啲，晨早就要現身準備嘞。」李司棋聞言即說：「呢兩日已經早返嚟綵排，已經有日場啦！」
Plan定出埠叉電
關之琳以嘉賓身份現身，甫到場即「檢查」《小》劇導演張之珏早前跌倒的傷勢，並乘機敍舊，受訪時關之琳說：「我之前聽人哋講，先知佢跌得咁嚴重，可能佢住喺新西蘭，唔慣香港啲路面設計啦。」剛演完內地真人騷的她，計劃出埠旅行，問到是否再去滑雪，她表示未知去邊：「如果去歐洲嘅話，或者出年2月先出發。」
文：影視組