誤爆曾國祥「婚期」陳瀅遇志偉標晒汗
藝人陳瀅早前在活動上口快快指王敏奕與曾國祥年底結婚，昨日她與曾國祥父親曾志偉出席運動店開幕，陳瀅又驚又尷尬，標晒手汗，再次強調只是講錯，冇爆料，志偉笑說：「你爆咗！（恨飲新抱茶？）想，冇得逼，最好快啲結婚，定性專心拍戲。好似我咁，20歲開始結婚，唔好掛住溝女。一次過抱埋孫，慳埋手續。」志偉更搞笑反爆陳瀅年底結婚，又笑說：「唔怪得今日咁客氣猛叫志偉哥，你隻嘢驚到呢！」
另外，同場的林曉峰被問到外甥女野人與崔建邦分手，有備而來的他說：「屋企人有咩唔知，同佢（野人）講頭暈就睇醫生，心情唔好就返教會。」他指野人會到他家與兒子玩，崔建邦亦有同行。至於崔建邦是否花心？他表示不是事實不回應，至於林珊珊不喜歡崔建邦？他即轉移話題講電影。
