成龍教功夫歐陽娜娜學極唔識
台灣大提琴家兼女星歐陽娜娜來去匆匆，昨晚在港出席時裝派對後隨即返台。歐陽娜娜表示未能趁機Shopping，又表示將投入宣傳與成龍合演的動作片：「是我第一次拍打片，有幾場打戲，練咗一星期，我同成龍係同一Team。（成龍有冇教你功夫？）佢教咗我一啲，但我學唔識，因為太難，但經過今次，我好鍾意打功夫。（有冇受傷？）少少拉傷。」
而名模周汶錡西裝外套真空上陣，再配短褲晒美腿，既性感又有型，即時搶了密實打扮的樂基兒（Gaile）風頭。Gaile被問造人方面有否好消息？她表示未有：「冇plan，但亦唔抗拒。」又表示最近忙搞個人煮食網頁，揚言對中、西、泰、越、西班牙、墨西哥等菜色也擅長。
藝人龐景峰剛由台灣拍完叔叔錢嘉樂執導的電影返港：「我做鄭伊健嘅後生版。（阿叔惡唔惡？）唔惡，係教識我功夫，我好欣賞佢。」另外，問他有否聯絡好友吳卓林，知否其母吳綺莉家發生閉門失竊？他說：「冇乜搵佢，唔清楚。」
