陳自瑤性感晒線老公畀Like

藝人陳自瑤（Yoyo）以低胸性感長裙孖老公王浩信示人，相當搶鏡。最近她於社交網不時分享正能量句子，她說：「一向都想分享正能量，都會分享相片，做咗年幾兩年，唔係話專登！（啲人睇到反而覺得有負能量！）唔係呀！咁每個人生活中都有唔開心，睇完可能有呢啲感受，每個人都要成長、都有壓力，要有番正能量！（你有壓力？）每個人都有，包括工作上、湊小朋友。（同老公相處有冇壓力？）呢啲唔需要特別講，同老公冇問題。」浩信被問到有否給Like太太時，他指雖然近排忙，但也要畀Like，又笑言：「其實Like唔Like唔重要，最緊要係個內容。」