剛簽約無綫的黎燕珊，今年首次出席巡禮坦言好開心，她說：「好似小學生咁周圍睇，集郵畀仔女睇！仲撞到好多亞視人，例如小青姐、家豪哥等，仲喺後面同大班亞視之友合照，個個都熟口熟面！」問到新工作，黎燕珊表示：「嚟緊開新劇《逆轉傳說》，有蕭正楠、林夏薇等。（有咩要準備？）睇啲有分場同古仔啦！（緊張？）唔緊張，拍劇都係我老本行，但都有八卦問吓啲同事，係咪真係冇覺瞓？不過自己好捱得，唔擔心瞓覺問題！」
