被揭舊史 專講鹹濕嘢 德斯汀荷夫曼性騷擾17歲助理

荷里活監製Harvey Weinstein被揭多年來的淫行後，導演James Toback與男星奇雲史柏西（Kevin Spacey）等相繼被爆性醜聞，最新淫魔是兩度獲金像影帝的德斯汀。現年49歲的Anna Graham Hunter於《Hollywood Reporter》撰文，透露她於1985年17歲還是高中生時，為德斯汀主演的電視電影《推銷員之死》（Death of a Salesman）擔任實習製作助理，上班第一天已被叫為當時已婚的德斯汀做腳底按摩，德斯汀其後更為猖狂，Anna表示：「佢好公開咁同我調情，又揸我屁股，成日喺我面前講性話題。有朝我去佢休息車問佢食咩早餐，佢慢慢望住我笑，然後話：『我要一個硬熟蛋，同一個軟熟陰蒂。』佢嘅助手全部爆笑，我粒聲唔出走咗，然後去洗手間喊。」她指德斯汀亦性騷擾其他製作助理，曾表示要吃對方的胸部做午餐。

發聲明道歉

Anna將片場經歷紀錄在信件中，其中一次她陪德斯汀行去坐車時，四度被揸屁股，她打對方並大罵「鹹濕伯父」。德斯汀道歉並自言會停止，但數日後Anna見完男星華倫比堤（Warren Beatty）後，德斯汀即嘲弄她：「你不如除衫啦！你唔係成日話『X我啦，X我啦，華倫。』」事件爆出後，德斯汀發聲明向Anna道歉：「我最尊重女人，我為我可能做過令佢唔舒服嘅所有事感到難過。我好對唔住，我本身唔係咁嘅人。」

女編劇鬧埋一份

而女編劇Wendy Riss Gatsiounis亦指1991年時，當時她廿多歲，曾與德斯汀開會洽談劇本事宜，德斯汀問她：「開始之前，我要問你一個問題，你有冇同40歲以上嘅男人搞過？」Wendy以笑避開話題，但對方張開雙臂說：「呢個新身體會好多嘢探索。」其後德斯汀要求Wendy陪他到酒店「買衫」，Wendy當場拒絕，更指同場的另一編劇Murray Schisgal告訴她，他們對劇本沒有興趣。德斯汀拒絕回應指控，而Murray發聲明說：「德斯汀荷夫曼同我咁多年嚟同過好多編劇同劇作家開會，我唔記得呢次會面，亦唔記得有佢所講述嘅事情發生過。」

另外，被揭曾性騷擾少年的奇雲，發聲明表示接受色戒治療，而再有匿名男子指他少年時曾被邀到奇雲家過夜，醒來時發現被奇雲抱住。

文：外娛組