溫碧霞穿花蝴蝶超凡脫俗

東網巨星娛樂節目《星魅博》每集均邀請一位資深時尚界潮人，評論圈中名人明星的穿衣配搭，更會提供小貼士，帶領大家走在潮流尖端。今集就請來時裝設計師鄧達智（William）品評蝴蝶結Ribbon配襯，他大讚溫碧霞着出神韻，把本是俗氣的傳統鬆糕裙，着出脫俗美感。反而黃翠如兩肩的蝴蝶結，就有點畫蛇添足。

呢條傳統嘅鬆糕裙，一般情況嚟講就好俗嘅，但佢着得好靚，尤其露肩嗰部分佢真係專長，繼續露肩着得好靚，而蝴蝶喺中腰度，處理得好適當，條裙係淺色，蝴蝶結深色就有神來之筆喇！

好Sweet嘅一條連衣裙，蝴蝶結喺個胸前面，好明顯咁望到嘅，佢條裙好簡潔，個蝴蝶結亦都夾呢條裙，夾得好好。

呢條連衣裙稍為長咗少少，將蝴蝶結放喺兩肩，比平常喺胸口、腰特別，放喺翠如BB身上都好靚喎！不過就多咗啲嘢咁，似乎唔係套衫應該有嘅嘢。

條裙顏色同設計都好靚，望上去都好浪漫，個蝴蝶結反而係大家望唔到嘅，除非好細心咁望，呢個係嘥嘢！

文：名人組

場地：星薈

http://goo.gl/rfTHqx