張繼聰龔嘉欣「小強」傍住談情

張繼聰與龔嘉欣（Katy）亦齊齊亮相《誇》劇宣傳，以弗爆身材見稱的阿聰笑言今次將騷肌重任交畀陳豪與森美：「我係過氣脫星！」講到寶貝女，阿聰即冧笑說：「個女又大咗，畀好多反應！依家我只對唔過一歲嘅女性有興趣！」阿聰雖然不必騷肌，但劇中與Katy有感情戲享艷福，他笑說：「係啦！同嘉欣好多戲又曱甴又坑渠水，實景拍攝嘛！」講到Katy與「少婦聯盟」成員陳凱琳、譚凱琪及沈卓盈影性感泳裝相，阿聰即時反白眼扮盲，Katy則笑說：「仲有再性感嘅！有一齊瞓床同玩Cream。（三點式？）原本有喺戶外拍，但嗰日有雷暴警告，但相信都係健康性感啫！」