貝安琪公幹列湊仔清單
名模貝安琪（Ankie）與姚書軼（Mikki）昨日亦有出席第五屆珠寶小姐記者會。本年初榮升人母的Ankie性感示人，她透露現時比生B前更瘦，又表示將為電視劇到印度取景，是首次離開囝囝。雖然只有短短五天，但她大感不捨，笑言已列出清單交代未婚夫如何照顧囝囝。她指現時九個月大的兒子特別喜歡與女仔玩，人仔細細已有兩名女友。問到會否追多個？她坦言暫時不會，計劃明年5、6月補辦婚禮，地點首選沙灘。
至於Mikki身穿Tube Dress淺露「事業線」，強調身材真材實料：「最近做多咗運動，搵教練Train，成個身形都收晒，有啲位脹卜卜。（邊啲位？）Pat Pat、胸，有番晒線條。」又透露有拖拍，男友從事金融，但希望低調處理感情事：「佢做女人背後嘅男人。（視對方為結婚對象？）一邊行一邊睇，都希望係。」此外，Mikki擔任導師教珠寶小姐注意儀態，大讚一眾參選佳麗悟性高，當中睇好(7)張嘉琳。昨日，(5)劉芷希及(8)王昱瑤先聲奪人，分別奪得「最佳網絡人氣獎」及「傳媒最愛大獎」。
