夫妻檔密密接Job 陳茵媺低胸索爆 陳豪得戚係要騷吓！
陳豪與陳茵媺昨晚夫妻檔出席活動，打扮性感的陳茵媺笑言很開心可以着靚衫，而陳豪亦揚言不介意：「回復狀態係要騷吓！」
陳豪與太太陳茵媺（Aimee）昨晚偕雷頌德夫婦出席智能手機發布會，Aimee身穿黑色低胸吊帶裙到場，問是否不再介意性感出席活動？她說：「係健康嘅性感，好開心可以出嚟着靚衫！」在旁的陳豪得戚笑說：「回復狀態係要騷吓！（管佢衣着？）靚行先，唔好特別賣弄性感，狀態好少少性感冇所謂，唔係暴露就得。」
仔女影相唔受控
問到是否多了夫婦檔活動，陳豪笑說：「係呀！愈嚟愈多！多啲嚟密啲手，辛苦啲都冇所謂。（兩公婆一齊拍廣告？）都有人問，睇吓有冇機會啦！乜嘢產品都有可能。」至於會否與子女一齊出鏡？陳豪即時「嘩」一聲，揚言不是時候：「就算叫佢哋影相都有問題，一個望嘅時候，第二個就去咗玩，我都要花15至30分鐘先成功影到一張全家一齊望鏡頭。」所以若要一家五口拍廣告，要遲些等子女大個再算。
問到是否細女較乖，陳豪與Aimee齊聲表示個個都乖：「不過男仔比較好動啲，因為我哋兩個都好活躍，小朋友都唔弱。」陳豪認為細女較嬌嗲，而兩個仔則較活躍：「細女攬到我好實，好有愛嘅感覺，講唔到出嚟。」Aimee指大仔都嗲，陳豪即笑說：「似足媽咪！」
文：影視組