感激被發掘喜劇天分 欣宜肚腩當鼓打氹祖藍開心
鄭欣宜相隔七年再拍攝無綫劇集，於《老表，畢業喇！》挑戰義氣仔女角色。她表示因獲「伯樂」王祖藍邀請，即使擔心演技未夠成熟，想也不想一口答應。她更踢爆祖藍原來「對人歡笑背人愁」，試過為氹對方開心，用自己的肚腩當鼓打引他發笑。
無綫劇集《老表》系列叫好叫座，第三輯找來年輕藝人參演，以搞笑形式帶出香港教育問題。欣宜（Joyce）於《老表，畢業喇！》飾演喜歡「古惑仔」文化的角色，加上有「大家姐」的性格，非常有挑戰性。她說：「因為喺真實生活，我係一個賢良淑德嘅美少女。我之前喺加拿大讀書的確好鍾意《古惑仔》系列電影，我冇諗過可以做到呢類角色。」
自認變態
相隔七年再拍無綫劇，Joyce表示全因2008年拍攝《畢打自己人》時認識王祖藍，視對方為人生伯樂之一。她自爆當時不知祖藍的名字，只知對方剛在香港冒起，但鏡頭後的他總是悶悶不樂的樣子：「我初初唔明呢個笑匠，大家都知佢係一個搞笑嘅人，點解每一次拍完或者等轉布景，佢都坐埋一邊，好似好唔開心。我性格係有少少變態，如果我可以令到佢笑我會好滿足。我用肚腩當鼓打，又扮徐子珊唱歌氹佢開心。」Joyce指其後獲祖藍邀請上綜藝節目《荃加福祿壽》，令觀眾知道她有搞笑天分，故今次祖藍找她演出，Joyce即一口答應。
想再拍劇
Joyce坦言一直害怕演戲：「我成日覺得自己摸唔熟拍戲呢個世界，成日對自己演技冇信心。」對上一次有份主演的劇集已是七年前的《隔離七日情》，Joyce慶幸之前兩次拍劇都遇到好對手，今次又碰上年紀相若的林欣彤（Mag）、蔡瀚億和岑麗香：「我同Mag係同一年樂壇新人，我哋一路以嚟都並肩作戰，私底下成日食飯同聯絡。同蔡瀚億拍過幾次電影，所以好有默契。」問到會否想繼續拍劇？她說：「一定唔係唔會，希望《老表》可以幫我開拓到另一條搞笑同做惡人嘅路線。」
文：影視組
攝：秦健輝
髮型：Milk chan@xenter