趙詠瑤食蟲應節爆漿嗌核突

藝人張建聲、簡淑兒、郭奕芯、鮑康兒、趙詠瑤、麥子樂及監製夏雨，前晚在旺角為新片舉行萬聖節優先場，眾人即場食蟲應節。打扮最性感的趙詠瑶最大膽，率先食蟲：「有種蟲一咬落去會爆漿，好核突！另外一種就得個殼，好似食蠍子咁嘅味。拍戲嗰陣，食過有蟲嘅三文治，不過都冇呢啲咁Juice。」至於魔鬼造型的簡淑兒則沒膽量嘗試：「就算炸過都唔好，食煎炸嘢冇益呀。」
谷胸上陣的趙詠瑤大膽食蟲，在旁的簡淑兒自愧不如。
谷胸上陣的趙詠瑤大膽食蟲，在旁的簡淑兒自愧不如。

以「招積」造型示人的張建聲表示，做模特兒時遇過靈異事件，在外地的酒店房瞓醒後，整個人不斷顫抖，黑眼圈更深得不能上妝，後來急返香港接受宗教儀式才化解。麥子樂則指在內地拍戲時，試過在十字路口人有三急就地解決，事後即無故大病一場。

監製夏雨（後排中）率領一眾演員歡度萬聖節。
  • 監製夏雨（後排中）率領一眾演員歡度萬聖節。