薛凱琪拍網劇夠錢供樓 張智霖孖王陽明車天車地
張智霖（Chilam）、薛凱琪（Fiona）與台灣型男王陽明昨日拍攝梁家樹監製的網劇，Chilam與王陽明不用拍攝時雞啄唔斷，原來兩個大男人狂講車經。至於Fiona自爆劇酬相當可觀，足夠供樓兼擺大型入伙酒。
Chilam、Fiona與梁靖琪昨日於九龍灣為網劇拍攝一場嚴肅的查案戲，梁靖琪於戲內非常「忟憎」，但戲外心情勁靚，與Chilam及Fiona不時有講笑。之後大隊移師清水灣繼續開工，雖然沒有薛凱琪的戲份，但換來台灣型男王陽明與張智霖、麥長青鬥戲。見張智霖與王陽明狀甚老友，不用埋位時經常密密斟。
皮膚敏感
張智霖接受訪問時直言與王陽明都很喜歡車，有共同話題特別投緣。他又稱與老婆袁詠儀已一盡地主之誼，邀請王陽明夫婦食飯。一向靚仔的Chilam右邊面有少少「粒粒」，他解釋因屋企髹油致皮膚敏感，故拍攝時以鏡頭遷就，已買藥膏治療，相信很快復原。
升呢督察
據知，該網劇會拍四個月，並會到匈牙利、馬來西亞等地取景，屬大型製作。Fiona事後接受訪問，指相隔13年再拍劇，覺得自己「升職」：「因為上次擔正拍劇係2004年嘅《學警雄心》，當時係做警察，今次係督察，升咗職。」
Fiona又稱今次接劇，除了可跟型男Chilam和王陽明合作外，酬勞亦相當吸引。她笑稱：「係好吸引，夠供樓同請成間公司嘅同事飲入伙酒，套劇會去埋歐洲拍雪景，好開心。」
文：影視組