劉嘉玲再拍劇挑戰悲劇人物

女星劉嘉玲、吳肇軒、鄧麗欣（Stephy）與余香凝等前晚出席「香港亞洲電影節2017開幕禮」，嘉玲以低胸短裙晒腿性感亮相，力撐其首部監製作品。講到電影進入競賽單元，嘉玲笑言有壓力：「係有壓力，但我可以承受無限大壓力，同埋自己已經超額完成。身為電影工作者，希望觀眾會鍾意。（老公梁朝偉睇咗未？）佢會睇，但佢拍緊戲，佢都有Send短訊祝賀我。」她又透露最近忙拍內地劇《半生緣》：「十幾年冇拍，今次角色係悲劇人物。（擔心入戲抑鬱？）唔會，我係一入片場就入戲，一出片場就出戲嘅人。」