黃心穎想孖馬國明旅行

藝人黃心穎昨日以大露背性感造型，與組合艾粒到旺角出席活動，艾粒頻頻提起心穎的男友馬國明，令她難以還擊。說到心穎性感上陣，加上早前在《星和》得獎，出騷酬勞應加不少時，她笑說：「我都心大心細，都怕加咗價但接嘅騷少咗，同性唔性感冇關係。」
黃心穎大露背上陣，成為焦點。
黃心穎大露背上陣，成為焦點。

講到艾粒整蠱頻頻提馬國明，心穎說：「唔尷尬，見番佢吔好開心。（有冇追《降魔的》？）好多同事喺化妝間追，仲叫我轉告佢，你哋自己同佢講啦！反而自己都睇番《森美旅行團》，都想開第二輯。（帶馬國明去旅行？）有假期先，係咪應該佢帶我去先囉？（一齊去過旅行？）冇呀，一齊去過橫店囉！」

艾粒搞笑擺甫士，學心穎扮露背。
  • 艾粒搞笑擺甫士，學心穎扮露背。