鄭敬基早前拍攝無綫劇集《棟仁的時光》時失足跌落十級樓梯，當日袁偉豪原來亦有份同場拍攝。而年前袁偉豪亦試過勇救拍檔歐陽震華（Bobby），Bobby因飯敍時食物落錯位，袁偉豪即時將自己的手指給已反白眼及抽筋的Bobby咬，以免咬到舌頭，其後Bobby被送入ICU「檢回一命」。
而今次鄭敬基受傷，袁偉豪當時亦在場，昨日他受訪時表示未有目擊出事一刻：「當時啱啱休息，係之後睇Playback先知佢受傷。（佢冇話去醫院？）佢一直冇出聲，嗰刻佢冇乜大礙繼續拍，咪冇第一時間去醫院，但都要知會監製發生乜事，之後先知佢條腰受傷！」他指拍劇時出意外難以預料，即使信心十足，拍的時候亦會有一些小事而令意外發生。