同老公講心又講鑽 李嘉欣設計首飾傳未來新抱

李嘉欣、彼愛麗鑽石有限公司主席鄧鉅明博士與太太鄧宣宏雁及「港產陀飛輪」萬希泉創辦人沈慧林（William）昨日出席「Peonia Diamond彼愛麗鑽石首間旗艦店」開幕，穿上黑色透視連身裙的嘉欣獲Peonia Diamond捐出28萬港元予她與老公許晉亨成立的JMJ兒童慈善基金會，記者笑指善款數字不及她出席活動的酬勞，嘉欣說：「唔可以單憑數字代表，唔會咁短視。」

一直對珠寶設計有興趣的嘉欣透露，會用舊鑽石設計喜歡的古典款式，問到許晉亨送過最大的鑽石有多少卡？她說：「最緊要心意。（擁有最大粒鑽石有幾多卡？）好滿意，將來都會叫老公繼續買。」問到會否為未來新抱設計鑽飾？嘉欣說：「佢肯定唔會少，一定好重禮。（留家傳之寶畀佢？） 係啩！希望一代傳一代。」

放大圖片	鄧鉅明夫婦悉心打扮出席開幕活動。	沈慧林（左）對夾公仔機甚有興趣，莫非想夾一個給囡囡？

鄧鉅明太太識貨 睇中半億巨鑽

另外，鄧鉅明夫婦一同接受訪問時，鄧太笑指已購下心頭好，並說：「年底佢（老公）收到信用卡帳單就知，依家唔想影響佢心情。店內有粒18.88卡鎮店之寶，冇瑕疵，價值5,500萬，不過佢話賣畀客人，所以我唔使諗。」鄧鉅明即說：「佢要28加88卡。（你會送？）我講嘅嘢成日唔記得。」而沈慧林透露今日是囡囡半歲生日，他說：「已經推晒工作陪佢，夜晚一家人食飯。」

文：音樂組

攝：林蔚恩