側田音樂治療度低潮
歌手側田前晚在九展舉行音樂會，自言十多年來不停追求玩音樂的High，即使遇上低潮，唱不開心的歌或喊也是種發洩和治療方法，當他唱完《一念》後笑言：「把聲爛就爛啦，唔理喇！」但擔任主持的鄭子誠卻說喜歡此歌，要求Encore再唱，到側田跟嘉賓肥媽合唱《450》更掀起高潮！
騷後，側田坦言唱得「唔夠喉」，要搵地方再唱過！今次九展騷算是12月紅館演唱會的熱身，但未知會否再邀肥媽做個唱嘉賓，他預告紅館騷以唱新歌為主：「好少出碟可以唱Live。（陳奕迅可以？）係，佢好誇張，幾廿場。」又指紅館騷要明年才有機會開Part 2，笑言被楊千嬅霸了不少檔期！