Ana R.牛一囡囡送吻餵蛋糕

名模Ana R.日前38歲生日，模特兒公司為她舉行生日會，Ana帶同寶貝女兒Maya出席，Maya不時賣萌，搶盡媽咪風頭！當Ana抱着Maya吹蠟燭時，Maya自動送吻，又餵母親食蛋糕，難怪Ana冧爆地說：「佢好識氹人開心，真係好Sweet，佢係我嘅開心果！」問到生日願望，Ana說：「除咗女兒健康外，希望童裝生意理想啦，我同Lisa S.放咗好多心機，所以特別着緊，會專注呢方面多啲。」正日生日當天，一家三口去了主題公園玩，Ana原來很喜歡童話人物：「所以今次我玩得開心過個女，反而係我玩到唔想走。」