心理測驗 笑阿倫「好色」志偉畀鍾楚紅摑聾半日
曾志偉為王梓軒主持的節目擔任嘉賓，玩心理測驗時，志偉用顏色分別代表身邊的好友，他用金色代表成龍，因尊敬對方；用黃色代表譚詠麟（阿倫），笑說：「因為佢好色！」而滿嘴髒話的吳君如就用咖啡色做代表，測驗結果顯示，「好色」的阿倫是他一直的好朋友，志偉不禁大笑：「心理測驗好準！」
談到他與鍾楚紅（紅姑）多年前合作拍戲，志偉指當時紅姑仍是新人，要拍一場紅姑摑打他的戲份，志偉說：「佢唔敢大力打，我教咗佢之後，佢就唔留力咁打落嚟，結果打到我聽唔到嘢半日！」
唔幫仔女有原因
志偉的子女曾國祥及曾寶儀亦是藝人，他沒有幫助仔女在娛樂圈站穩陣腳，志偉說：「想畀佢哋放手去闖，唔希望以後佢哋有成就時，畀人指指點點話：『因為你爸爸係曾志偉』!」又指從不催仔女結婚：「如果將來佢哋要離婚，就會恨你，到離婚嗰陣就會話：『當時係你要我結婚(o架)，其實我都冇考慮好！』。」
文：影視組