陸浩明見識用筷子食蟹
藝人陸浩明（6號）為日前於新加坡舉行的《星和無綫電視大獎2017》擔任司儀，他與一眾藝人更拉隊早一天到埗作準備，6號當然爭取機會到了當地著名食店品嘗胡椒蟹，而同行更有黎耀祥和鄭丹瑞等，場面熱鬧。
6號稱當晚黎耀祥的太太亦有同行，但鄭丹瑞卻跟她「爭寵」，要黐住黎耀祥坐：「好搞笑，黎耀祥太太有嚟，但鄭丹瑞係都要同黎耀祥坐，又好好服侍，幫佢着圍裙，幾乎連蟹都想拆埋餵佢食！」6號稱第一次食胡椒蟹，更見識了黎耀祥的食蟹技巧，他說：「我哋就食到好污糟，但黎耀祥就好犀利，佢用筷子食，食得好乾淨、好優雅！」