老蘭扮鬼巧遇陳寶珠黃建東超齡萬聖節攞糖驚要坐監

萬聖節將至，貴為搞笑能手的藝人黃建東（Derek）以小丑Crossover修女造型殺入蘭桂坊嚇人！曾於19歲遠赴美國留學的Derek，自言最喜歡過萬聖節，但當年他已是「超齡學生」，故未能逐家逐戶敲門「Trick or treat」取糖果，令他感到十分遺憾！

黃建東以小丑Crossover修女造型出巡。

憑惡搞日本洗腦歌《PPAP》而成功上位的Derek，趁住萬聖節來臨，當然繼續「扮嘢王」上身，他以小丑Crossover修女的終極搞鬼造型現身中環蘭桂坊，嚇得途人口依嘩鬼叫！期間更巧遇資深藝人陳寶珠和兒子楊天經，幸寶珠姐未有被嚇倒，Derek笑說：「感受到一陣藝術氣氛，原來係寶珠姐經過，好彩冇嚇到佢，但我唔敢同佢影相，本身識天經，佢都唔認得我，哈哈！好成功，冇人知係我！」

變妝喪玩

曾在外國留學的Derek自言最喜歡萬聖節這個西方「鬼節」：「呢日我一定會扮嘢！好好玩，以前會去Party，喺香港我都會去蘭桂坊玩。」不過講起萬聖節，Derek卻自爆一件憾事：「喺外國小朋友會敲門Trick or treat攞糖，但我去美國讀書已經19歲，周圍問人攞糖，啲人會報警，驚要坐監，好似有年齡限制，大人唔可以問人攞糖，哈哈！」