陸寶捱出病 重遇親友死期到？

資深歌手陸寶四年前錄製首張大碟，發現錄音與唱現場分別很大，心情既開心又緊張。他透露食無定時導致胃穿窿，事後瘦了30磅，更要休養近一個月：「個胃好似排山倒海，由呢邊痛到嗰邊，原來胃後面穿咗一個窿，啲胃酸滴吓滴吓，好擔心要洗肚，當晚就即刻做手術！」他透露本來與很多親友都已失去聯絡，出碟前竟在街上重遇他們：「表姐把口好臭，講笑話『死人尋舊路，撞番晒就走得。』我出事真係嚇親好多人。」現時他與親友不時維繫感情，更想開騷慶祝明年入行30年。